Bago naging aralin sa paaralan, ang Noli Me Tangere ay isang nobela na puno ng pag-ibig, takot, lihim, at pagpapanggap.
Si Crisostomo Ibarra ay umuwi sa Pilipinas galing Europa upang ituloy ang pangarap ng kaniyang ama na magtayo ng paaralan. Muli silang nagkita ng iniibig na si Maria Clara. Hinahanap naman ni Sisa ang kaniyang mga nawawalang anak. Si Elias ay isang misteryosong lalaking tumutulong sa mga nangangailangan at may mabigat na nakaraan.
Ang kuwento at mga tauhan ng nobelang ito hindi lamang mga pangalan o simbolo na kailangang isaulo mula sa textbook, kundi bilang mga taong pilit umaangkop sa lipunan, may mga suliranin, at may mga pagbabagong hindi matakasan.
Sa saling ito ni Edgar Calabia Samar, muling binubuksan ang nobela ni Jose Rizal bilang isang buhay at malinaw na kuwento habang nananatiling tapat sa diwa ng orihinal na akda. Ito ay salin para sa kasalukuyang henerasyon ng mga mambabasa.