"Pitong taon na ang nakakalipas pero ang madilim na mga alaala ay hindi pa rin tuluyang kumukupas..."

""Hindi ako makakapayag na masasayang lang ang halos pitong taon kong paghihintay para makapaghiganti sa kanya... Isang misteryosong lalaki ang nakaharap ngayon sa tatlong computer monitor na nagtataglay ng anim na video na kuha mula sa ilang CCTV camera. ""Dahil sa pangingialam n'yo, magbabago ang mga plano ko."" Pinagmasdan niyang mabuti ang mga taong nakikita sa monitor bago binuksan ang speaker para marinig siya ng mga ito. Sa oras na magtagpo sila ng pinakahihintay niyang manlalaro, magsisimula na ang isang larong hinding-hindi makakalimutan ng mga ito. ""Get ready for a week of deadly survival game."" Umalingawngaw ang nakakatakot niyang boses sa loob ng kuwartong nagsisilbing kulungan ng anim na taong magiging kalaro ni Dmitri Morris...