Tila tumigil ang mundo ni Solenn nang ibalita sa kanya ng doktor na may tatlong buwan na lamang siyang itatagal sa mundo.
Dahil sa balitang iyon, nawalan siya ng gana sa paligid. Not until, atakihin sa puso ang kanyang Lolo Terio. Kailangan nitong maoperahan sa lalong madaling panahon.
Kaya naman pikit matang tinanggap ni Solenn ang offer ni Avah, na siyang may-ari ng isang kilalang Night Club na puro VIP ang mga members. Nang gabi ring iyon, isinali siya nito sa Angel’s Squad kung tawagin dahil kailangan na niya ng pera. Ora mismo siyang sumabak sa trabaho.
Malinaw sa kanya na kailangan niyang ibigay ang kanyang sarili sa isang lalaking matagumpay na mag-bi-bid sa kanya.
Ngunit hindi niya inasahan na aabot ng sampung milyon ang naging winning bid sa kanya ng isang napaka-gwapong lalaki na para kay Solenn ay tila galit sa pera.
Sa isip ni Solenn, hindi na masamang pagbigyan ng sarili niya ang lalaking iyon. Bago man lang siya mawala sa mundo, hindi siya mapupunta sa matandang malaki ang tiyan.