Kinailangang lumayo ni Zafrina nang malaman niya ang maitim na balak sa kanya ni Gino Ferrer, Ang isa sa maimpluwensyang tao sa bayan nila na baliw na baliw sa dalaga. Walang nakakaalam nang umalis siya at kung saan siya pupunta. Kampante na siya sa kinaroroonang bayan hanggang isang gabi ay makita niya ang nobya ng kanyang pinsan na siyang naging dahilan upang humanap siya ng bagong pagtataguang lugar sa takot na makarating sa kanyang abuela at kay Gino kung nasaan siya.
Handa na sana siyang lumayo muli nang humarang-harang naman sa daraanan niya si Sovereign Millares, ang lalaking walang tulak-kabigin sa kagwapuhan. Ngunit ang kinaaayawan ni Zafrina rito ay ang kasungitan at kaarogantehan ng binate nang una silang magtagpo. To her surprise, handa raw siya nitong tulungan na makahanap ng lugar na tiyak na safe siya at walang makakakilala sa kanya, ngunit sa isang kondisyon…Pretend to be his wife.
Tatanggapin kaya niya and proposal ng binata o hindi?