Sino nga ba ang The Señorita?

Ito ang natuklasan ng college student na si Tammy habang gumagawa ng kanyang assignment.

Nabasa niya sa Internet ang tungkol sa isang obra ng babaeng ipininta nang nakatalikod, na tinaguriang The Señorita. Ayon sa mga sabi-sabi, minamalas daw ang kung sino mang magmay-ari sa nasabing painting.

Nababalot ng misteryo ang obra mula pa noong panahon ng Kastila at walang nakakaalam ng kuwento tungkol sa babae rito.

Naisip ni Tammy na bumisita sa isang art museum kung saan matatagpuan ang The Señorita. Ngunit hindi niya inaasahan na sa araw na iyon, magbabago ang takbo ng kanyang buhay.