Determinado si Marquine na hindi siya sasama sa pangalawang pamilya ng kanyang ina sa pag-migrate sa Italy at manatili na lamang dito sa Pilipinas. Kaya naman bago pa man sumapit ang kanilang flight ay tinakasan niya ang kanyang pamilya. Ngunit sa pagmamadali niyang makalayo ay hindi sinasadyang bumunggo siya sa katawan ng isang matangkad at matipunong lalaki. Muntik pa siyang mawalan ng balanse kung hindi lang siya mabilis na nasalo nito.
Halos matulala pa si Marquine nang matitigan ang mukha ng nakabunggo niya. He's undeniably gorgeous! Mukha na hindi basta-basta mawala sa isip niya. Lalo na nang aksidente pang mahalikan niya ang binata. Hindi na umasa si Marquine na muling magku-krus ang landas nila ng mystery guy na gumulo nang husto sa kanyang isipan dahil sa aksidenteng halik na iyon sa airport.
Ngunit sadyang mapagbiro ang tadhana. Dahil muling pinagtagpo ang kanilang landas ng lalaking nagngangalang Markian Vega. At hindi rin siya nito nakalimutan. Lalong lalo na ang nangyari sa airport!