Lumaking palaban si Jay-Jay dahil iyon ang itinuro sa kanya ng panahon. Ngunit kaya niya kayang labanan ang patong-patong na sakit na dulot ng mga taong pinagkatiwalaan niya? Mula sa mga kinilalang kaibigan hanggang sa sariling pamilya, pakiramdam niya ay pinagtutulungan siya.

Sa pagsiwalat ng katotohanan, isa lang ang naging kakampi niya. Ang pagdating ng taong ito kaya ang magbibigay sa kanya ng kasagutan tungkol sa kanyang ama, o maghahatid lang ito ng panibagong problema?

Sa kabila ng pag-amin sa kanilang mga nagawa, tila mayroon pang nais ipahiwatig si Keifer na puno’t dulo ng sakit na nararamdaman niya. Panibagong dahilan na naman kaya ito para tuluyan nang hindi magtiwala sa kanya, o sadyang natalo siya ng kanyang sariling plano?

Magpapatawad kaya si Jay-Jay kagaya ng 'lagi niyang ginagawa, o tuluyan na siyang magpapakain sa galit?