Si Marikit ay isang ibon na mahusay kumanta, hangang hanga sa kanya ang mga halaman at punong kahoy sa kagubatan, maging lahat ng mga hayop sa gubat.
Meron siyang anak si Dulce, tinuruan niya itong umawit subalit talagang pangit ang tinig ng kanyang anak, sa katuturo nawalan siya ng boses.
Nagalit ang buwaya ng hindi na marinig ang awit ni Marikit, lumapit si Marikit at nangatuwiran subalit inipit siya ng buwaya sa bibig at nagbantang kakainin siya.
Ngunit lumipad si Dulce at lumapit sa buwaya, para makiusap. Kahit hindi siya marunong umawit, pinilit niya dahil sa pagmamahal sa kanyang ina at mailigtas ito.
Nadama ng lahat ang pagmamahal na nagmumula sa tinig ni Dulce, para sa kanyang ina. Nasiyahan ang lahat pati ang buwaya at pinakawalan si Marikit.