Kapalit ng kagitingan ng mga ninuno ni Inez ay ang sumpa na maging aswang ang lahat ng babae sa kanilang angkan pagdating ng ika-30 nilang kaarawan. Ang sumpang ion ang pumatay sa kanyang ina at sa tatlo niyang nakatatandang kapatid. She was twenty-nine now and she was running out of time.

Sa desperasyon, nanghingi na siya ng tulong sa pamilya ni Everett na, ayon sa research niya, ay pamilya ng mga modernong mangkukulam. Hindi niya alam kung paano makakatulong ang mga ito pero wala na siyang ibang puwedeng lapitan.

Kailangan na nilang kumilos. Dahil kasabay ng paghahanap nila ng mga kasagutan at solusyon ay ang pagtindi ng pananabik ni Inez para sa pagpatay at sa dugo. Kung hindi nila mabali ang sumpa sa lalong madaling panahon, alam niyang ang una niyang magiging biktima ay ang mga taong pinakamamahal niya.